U paniadziełak, 20 žniŭnia, zakančvajecca dziejańnie treciaha pakieta finansavaj dapamohi Hrecyi. Jak zajaviŭ kiraŭnik Jeŭrahrupy Marya Čentera, upieršyniu z 2010 hoda Hrecyja, dziakujučy praviedzienym reformam i kursu ekanomii, zdabyła stabilnaść, piša Deutche Welle.
U dalejšym urad Aleksisa Cyprasa maje namier samastojna pryciahvać srodki na rynkach kapitału. Ažyćcioŭlenyja ŭ Hrecyi reformy dazvolili zakłaści asnovu dla «zdarovaha i pastajannaha» rostu ekanomiki, ukazaŭ Čentera. Jon adznačyŭ, što praces doŭžyŭsia «značna daŭžej, čym my čakali», adnak ciapier hrečaskaja ekanomika raście, źjaŭlajucca finansavyja liški ŭ biudžecie i handli, a taksama źnižajecca biespracoŭje.
U Niamieččynie ličać, što hrečaskaja ekanomika znoŭ pačała ŭjaŭlać cikavaść dla inviestaraŭ. «Paśpiachovy kaniec jeŭrapiejskaj prahramy dapamohi — pazityŭny sihnał dla samój Hrecyi i dla ŭsiaho Jeŭrasajuza», — zajaviŭ kiraŭnik Fiederalnych abjadnańniaŭ niamieckaj pramysłovaści (BDI) Jaachim Łanh. Adnak vyrašany pakul nie ŭsie prablemy. «Hrecki ŭrad pavinien zasiarodzicca na deficycie na rynkach kiravańnia, justycyi, pracy i pradukcyi», — miarkuje Łanh.
Pry hetym były ministr finansaŭ Hrecyi Janis Varufakis u intervju niamieckaj haziecie Bild raskrytykavaŭ ciapierašniaje stanovišča spraŭ. «Hrecyja staić na toj ža kropcy, la toj ža čornaj dzirki, i z kožnym dniom usio bolš u joj uviazana, u tym liku z-za taho, što zahady kredytoraŭ pieraškadžajuć inviestycyjam i spažyvańniu», — miarkuje Varufakis i kaža, što dziarždoŭh Hrecyi nie pamienšyŭsia, a vyras.
