U druhim kvartale 2017 hoda siaredni zarobak «na ruki» ŭ Litvie składaŭ 794 jeŭra, a ŭ druhim kvartale 2018 hoda — 892 jeŭra (heta prykładna 1063 dalary), piša Delfi.lt
«Ciažka zhadać čas, kali zarobki raśli takimi tempami», - skazała daradca kiraŭnika «Sodry» (anałah biełaruskaha Fonda sacyjalnaj abarony nasielnictva) Julita Varanaŭskienie.
Pa dadzienych «Sodry», čaściej za rost dachodaŭ adčuvali ludzi ź nievialikimi zarobkami. Śćviardžajecca, što zarobki 61% ludziej, jakija zarablajuć minimum (400 jeŭra), pavialičylisia bolš čym na 10%. Taki rost zarobkaŭ adčuli i 46% ludziej z zarobkam ad minimalnaha da 794 jeŭra.
Pamier siaredniaha zarobku za lipień u Biełarusi budzie ahučany zaŭtra, 24 žniŭnia.
Za červień jon skłaŭ 953,7 rubla «brudnymi». Pry pieraliku na siaredni kurs za červień — heta 476 dalaraŭ. A čystymi heta kala 410 dalaraŭ.
