Prezident ZŠA Donald Tramp zabaraniŭ administracyi Biełaha doma vypuskać aficyjnuju zajavu pra śmierć sienatara Džona Makiejna. Pra heta piša The Washington Post.
U dakumiencie, padrychtavanym pres-sakratarom Biełaha doma Saraj Sanders i kiraŭnikom aparata Biełaha doma Džonam Keli, prapanoŭvałasia ŭspomnić pra bajavyja zasłuhi sienatara i acharaktaryzavać jaho jak vajennaha hieroja. Tramp ža vyrašyŭ abmiežavacca karotkim spačuvańniem u tvitary.
Sanders admoviłasia prajaśnić pazicyju Trampa. Žurnalisty vydańnia miarkujuć, što pryčynaj demaršu prezidenta stała krytyka Makiejnam palityki ciapierašniaha haspadara Biełaha doma. U pryvatnaści, kamieniem sutyknieńnia pamiž palitykami stała reforma achovy zdaroŭja, suprać jakoj vystupaŭ Makiejn.
Padčas vybarčaj kampanii Tramp vyśmiejaŭ Makiejna, jaki pravioŭ šeść hadoŭ u vjetnamskim pałonie. Budučy prezident zajaviŭ: «Jon byŭ hierojem vajny tamu, što jaho ŭziali ŭ pałon. Ja pavažaju ludziej, jakija nie traplali ŭ pałon». Paśla Tramp nie prynios prabačeńniaŭ sienataru, ale ŭsio-taki staŭ nazyvać jaho hierojem vajny.
