Pieramožcam Minskaha paŭmarafona na dystancyi 21,1 km staŭ atlet z Efiopii Abiebie Niehievie Dehiefa, pieradaje BIEŁTA.
Vynik afrykanskaha biehuna — 1 hadzina 02 min. 37 siek. U finišnym stvory kala minskaha Pałaca sportu jon apiaredziŭ kienijca Kiptuma Majo Kimajo (1 hadzina 02 min. 38 siek.), jaki pieramahaŭ u Minsku ŭ 2016 i 2017 hadach. Treciaje miesca zaniaŭ Žoel Maina Mvanhi taksama z Kienii — 1 hadzina 02 min. 53 siek.
Dramatyčna adbyvaŭsia zabieh u žančyn. Kienijka Šejła Erocič stała pieršaj (1 hadzina 12 min. 02 siek.), biełaruska Śviatłana Kudzielič adstała ŭsiaho na adnu siekundu. Bronzavuju ŭznaharodu zavajavała Miesieret Hiebre Dekiebo z Efiopii — 1 hadzina 12 min. 43 siek.
Čempijonka Jeŭropy ŭ marafonie, pieramožca paŭmarafona 2016 hoda Volha Mazuronak finišavała piataj, adstaŭšy ad pieramožcy bolš jak na chvilinu.
Na dystancyi 10,5 km załatyja ŭznaharody ŭ mužčyn i žančyn zavajavali biełaruskija atlety.
Juryj Kapcieraŭ z Mahilova pakazaŭ vynik 32 min. 06 siek. Siarhiej Kraŭčenia z Žytkavičaŭ druhi — 32 min. 28 siek., zamknuŭ trojku pryzioraŭ Illa Słavienski — 32 min. 50 siek.
U žančyn na 10 km Volha Kraŭcova zaniała pieršaje miesca — 36 min. 07 siek. Iryna Somava druhaja — 36 min. 27 siek., Taćciana Stefanienka treciaja — 37 min. 34 siek.
Minski paŭmarafon praciahniecca kala Pałaca sportu a 12.30 masavym zabieham na 5,5 km.
