Staŭ viadomy karotki śpis sioletniaj paetyčnaj premii imia Natalli Arsieńnievaj. U šort-list premii imia Natalli Arsieńnievaj — 2018 uvajšli dzieviać paetyčnych knih (u poŭnym śpisie była 21 kniha):
Aleś Razanaŭ. Pieravybranaje. Vydaviectva Źmitra Kołasa, Minsk.
Anton Francišak Bryl. Cmačanka. Vydaviectva «Januškievič», Minsk.
Valžyna Mort. Epidemija ružaŭ. Vydaviectva «Łohvinaŭ», Vilnia.
Valancina Aksak. Zavinieny raj. Vydaviectva «Halijafy», Minsk.
Volha Hapiejeva. Hramatyka śniehu. Vydaviectva «Halijafy», Minsk.
Ihar Kulikoŭ. Vaładar zahadak. Vydaviectva «Miedysont», Minsk.
Ina Snarskaja. Vohniepakłońnica. Vydaviectva «Knihazbor», Minsk.
Michaił Rubin. Pierakład ź Inšaha. «Izdatielskije riešienija» pa licenzii Ridero
Usievaład Ścieburaka. Sny daroh. Vydaviectva «Miedysont», Minsk.
Cyrymonija ŭznaharodžańnia pieramožcy adbudziecca 20 vieraśnia. Na paetyčnuju premiju sioleta pretendujuć try piśmieńniki, jakija stała žyvuć za miežami Biełarusi, — Anton Francišak Bryl, Valžyna Mort i Ina Snarskaja.
Arhanizatary premii — Biełaruski PEN-centr, HA «Sajuz biełaruskich piśmieńnikaŭ» i Zhurtavańnie biełarusaŭ śvietu «Baćkaŭščyna». Uznaharoda ŭručajecca pry padtrymcy Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii. Premija zasnavanaja ŭ honar biełaruskaj paetki Natalli Arsieńnievaj (1903—1997) u 2017 h. i ŭručajecca za najlepšuju paetyčnuju knihu na biełaruskaj movie. Pieršym łaŭreatam premii staŭ Uładzimir Niaklajeŭ za zbornik paezii «Tolki vieršy».
