Sajt «Sputnik i Pahrom» zakryvajecca, pra heta aficyjna abvieściła jahonaja kamanda.
Heta resurs, čyja ideałohija bałansavała na miažy krajniaha rasijskaha impieryjalizmu i nieanacyzmu.
Aŭtary prapahandavali ideju «Vialikaj Rasii», admaŭlajučy ŭ pravie na isnavańnie asobnym narodam, što miažujuć z sučasnaj Rasijaj.
Napačatku 2017 hoda sajt byŭ zabłakavany ŭ Biełarusi paśla ekśpiertyzy na najaŭnaść ekstremizmu ŭ tekstach, jašče raniej jahony stały aŭtar «pa Biełarusi» Kirył Aviarjanaŭ byŭ pazbaŭleny biełaruskaha hramadzianstva i atrymaŭ zabaronu na ŭjezd u krainu.
Typovaja vokładka «SiP».
Niečakana letaś «Sputnik i Pahrom» byŭ zabłakavany i ŭ Rasii paśla patrabavańniaŭ Kazachstana, praz što aŭdytoryja sajta rezka źniziłasia. A amierykanskija administratary raźlikovaj sistemy, praź jakuju «SiP» atrymlivaŭ achviaravańni, adklučyli jaje.
Takim čynam, sajt staŭ jašče mienš akuplalnym i nienaviedvalnym.
Redaktary abiacajuć u dalejšym stvaryć placoŭku dla palityčnych abmierkavańniaŭ «biez hebistaŭ i jaŭreistaŭ, jakija lezuć u dyjałoh».
U svaim raźvitalnym liście kiraŭniki sajta staviać sabie ŭ zasłuhu toje, što jany zaachvocili jechać na «kurorty Danbasa» prynamsi 300 svaich čytačoŭ.
