Mierkavańni pra finansavuju i ekanamičnuju zaležnaść Biełarusi ad Rasii škodnyja i nieabjektyŭnyja. Pra heta siońnia na plenarnym pasiadžeńni V Forumu rehijonaŭ zajaviŭ staršynia Savieta Respubliki Michaił Miaśnikovič, paviedamlaje BiełTA.
Staršynia Savieta Respubliki padkreśliŭ, što nie moh nie zakranuć hetaha pytańnia.
«Takaja jaho pastanoŭka škodnaja i dla Biełarusi, i dla Rasii i nieabjektyŭnaja pa sutnaści», — pierakanany Michaił Miaśnikovič.
Jon nahadaŭ, što ŭzrovień dziaržaŭnaha doŭha Biełarusi znachodzicca ŭ dyjapazonie, što rekamiendujecca dla dziaržaŭ z rynkam, jaki farmirujecca. Kraina spraŭna absłuhoŭvaje svoj dziarždoŭh i płacić pa kredytach.
«Havorka idzie nie pra novyja zapazyčańni, a pra refinansavańnie niekatoraj doli doŭha pa finansavych kredytach», — źviarnuŭ uvahu jon.
