Dniom 19 kastryčnika ŭ Maładziečanski RAUS pastupiła zajava ad baćkoŭ 9-hadovaj dziaŭčynki. Pavodle ich słovaŭ, ranicaj u padjeździe adnaho z damoŭ nieviadomy złačynca ździejśniŭ hvałtoŭnyja dziejańni seksualnaha charaktaru ŭ dačynieńni da ich dački. Padrabiaznaści zatrymańnia padazravanaha raspaviali ŭ milicyi rehijona.
Paśla zajavy baćkoŭ u Maładziečna vyjechali kiraŭniki UUS, lepšyja apieratyŭnyja supracoŭniki ŭpraŭleńnia, byli mabilizavany ŭsie siły milicyi niepasredna na miescy.
U rasparadžeńni apieratyŭnikaŭ apynułasia videa mierkavanaha złačyncy. Kamiera vonkavaha nazirańnia adnaho z administracyjnych pamiaškańniaŭ, raźmieščanych niepadalok ad miesca padziej, zafiksavała maładoha čałavieka, prykmiety jakoha, a taksama dadzienyja paciarpiełaj dziaŭčyny, supadali.
Milicyja pačała pošuk. Aryjenciroŭku raspaŭsiudzili ŭ haradskich ŚMI, infarmacyju ab rezanansnym złačynstvie padchapili žychary Maładziečna.
Vynik byŭ tym ža viečaram. Supracoŭniki kryminalnaha vyšuku razmaŭlali z rabotnikami adnoj z kramaŭ bujnoj handlovaj sietki. Tyja paznali stažora,što pracuje ŭ kramie. Vyśvietliłasia, što 17-hadovy małady čałaviek — žychar inšaha horada, i ŭžo źjechaŭ paśla pracy dadomu. Milicyjanty adrazu ž vyjechali pa miescy žycharstva maładoha čałavieka. Doma jaho i zatrymali. Pry pieršapačatkovym apytańni fihurant staŭ admaŭlać svaju datyčnaść da ździajśnieńnia złačynstva, adnak potym zrazumieŭ, što admaŭlać niama sensu.
Zaviedziena kryminalnaja sprava za hvałtoŭnyja dziejańni seksualnaha charaktaru. Padazravanamu pahražaje da piatnaccaci hadoŭ pazbaŭleńnia voli.
