U Lachavičach školniki, jakich nie puścili na dyskateku, paškodzili žalezabietonny płot, paviedamili BIEŁTA va UUS Bresckaha abłvykankama.
Pra incydent stała viadoma ad dyrektara rajonnaha ŽKH. Jon źviarnuŭsia ŭ milicyju ranicaj 2 listapada i paviedamiŭ, što za minułuju noč nieviadomyja paškodzili 17 siekcyj žalezabietonnaha płota pa vulicach Lenina i Čkałava. Pradpryjemstvu pryčynieny materyjalny ŭron na 615 rubloŭ.
Vyśvietlić asoby chulihanaŭ dapamoh zapis z kamier sistemy videanazirańnia. Heta byli dva 15-hadovyja vučni SŠ №1 Lachavičaŭ i dźvie 13-hadovyja školnicy z SŠ №2 rajcentra. Vyśvietliłasia, što ŭviečary 1 listapada ŭ internacie ahrarnaha kaledža zładzili dyskateku dla svaich vučniaŭ. Hrupu padletkaŭ tudy nie prapuścili, i jany prynialisia hramić hramadski płot.
Lachavicki RASK pačaŭ kryminalnuju spravu pa č.1 art.339 (chulihanstva) KK. Sankcyja artykuła praduhledžvaje pakarańnie ad hramadskich rabot i štrafu da pazbaŭleńnia voli na termin da troch hadoŭ. Nichto z padletkaŭ da hetaha času na prafiłaktyčnym uliku nie znachodzilisia,
