Dyskahrafija: Hieroi, West Records, 2008. Recenzuje Siarhiej Budkin.
Sproby zajści na terytoryju surjoznaj paezii skančajucca niaŭdačaj.
IQ48 možna daravać usio niedaravalnaje inšym: i mavetonaŭskija cytaty z savieckich kinafilmaŭ, i niaroŭny vakał, i niaroŭnyja teksty. Bo jany stvarajuć nastroj. Ich pre, ad taho i prešsia sam. Zdarovaha nacyjanalizmu z časoŭ «Varjataŭ» u IQ paboleła zaŭvažna, i muzyki całkam admovilisia ad rasijskamoŭnych tekstaŭ.
U novym albomie «łasioŭ» dva pačatki — ściobny i zmaharski. Praŭda, časam sproby zajści na terytoryju surjoznaj paezii skančajucca niaŭdačaj, jak absalutna pralotny numar «Hej, napierad». Hetak dysharmanična na słovy Kupały jašče nichto nie piajaŭ. Ale ŭ vypadku z kranalnymi vieršami Michała Aniempadystava «Śviatło ŭ ciemry» i «Schavanaje serca» — usio narmul. Hetyja dva hožyja treki — hałoŭnyja na albomie. Źviartaje ŭvahu surjoznaja da manumientalnaści «Budzie vajna». Ci pryžyviecca ŭ repiertuary?
Samaja dušeŭnaja pieśnia albomu idzie schavanym bonusam — zapisanaja ŭ akustyku i zaśpiavanaja na trasiancy «Čivo ty?»
