Alaksandr Łukašenka nazvaŭ durnymi paproki ŭ tym, što Rasija «kormić» Biełaruś. Pra heta jon zajaviŭ u piatnicu na sustrečy z rasijskimi ŚMI, piša TASS.
«Vielmi časta ja čytaju ŭ ŚMI, navat ad prychilnikaŭ našaha sajuza, ja ich nazyvaju zabłukałymi ludźmi, takija frazy, što čaho my kormim biełarusaŭ, a niekatoryja navat padličyli, što za čas niezaležnaści nam až $ 100 młrd advalili, ja dumaju, kali b $ 100 młrd [dali], to biełarusy zadušylisia b ad takoj kolkaści kupiur», — skazaŭ Łukašenka. Pavodle jaho słoŭ, heta «poŭnaja łuchta».
«Voś tak razvažać — heta hłupstva», - skazaŭ Łukašenka.
Jon taksama zajaviŭ, što Biełaruś atrymlivaje ad Rasii kredyty pa staŭkach, jakija ŭ try razy vyšejšyja, čym prapanoŭvaje Mižnarodny valutny fond. «Kali my ad Rasii atrymlivajem $ 4-5 młrd kredytaŭ, to kožny hod my za absłuhoŭvańnie hetych kredytaŭ płacim $ 1,2 młrd», — skazaŭ biełaruski kiraŭnik.
