kremlin.ru
Alaksandr Łukašenka zajaviŭ, što hałoŭnym pytańniem na jaho najbližejšaj sustrečy z prezidentam Rasii Uładzimiram Pucinym budzie padatkovy manieŭr, paviedamlaje interfax.by.
«Samaje hałoŭnaje pytańnie — heta pytańnie ekanamičnaje, jakoje my pavinny vyrašać, heta pytańnie padatkovaha manieŭru, kab nie było tak, što Łukašenka «zdaŭ», jak u nas niekatoryja apazicyjaniery zavyli, … Biełaruś za bočku nafty», — zajaviŭ Łukašenka.
Pavodle jaho słoŭ, ab kankretnaj dacie sustrečy z Pucinym jon jašče nie damoviŭsia. «Damovilisia, što paśla pasiadžeńnia sajuznaha Saŭmina, da Novaha hoda, sustreča adbudziecca», — praciahnuŭ Łukašenka.
«Nam patrebna była infarmacyja, jak projdzie pasiadžeńnie sajuznaha Saŭmina. Jon (Pucin) vyvučaje materyjały», — adznačyŭ jon
Miarkujecca, što sustreča adbudziecca 25 śniežnia.
