president.gov.by
Alaksandr Łukašenka na naradzie pa pytańniach raźvićcia letnich vidaŭ sportu pieraściaroh spartyŭnych čynoŭnikaŭ ad pravału na II Jeŭrapiejskich hulniach, jakija projduć uletku 2019 hoda ŭ Minsku. Kadry z narady byli pakazany ŭ efiry telekanała ANT, piša Tut.by.
— Alaksandr Ryhoravič, na II Jeŭrapiejskich hulniach u nastupnym hodzie budzie pieršaje mierapryjemstva, kali kraina ŭbačyć vynik. Heta budzie hodny vynik, — paabiacaŭ ministr sportu Siarhiej Kavalčuk.
— Davajcie pa-mužčynsku. Nie daj boh, vy pravaliciesia na hetych hulniach, vam u krainie niama miesca. Ni vam, ni Dzieviatoŭskamu [kiraŭnik fiederacyi lohkaj atletyki], ni ŭsim astatnim. Jany ŭsie - u najaŭnaści. Vy vybirali vidy sportu, ja vam zabiaśpiečyŭ hety kalidor. Jeŭrapiejcy pahadzilisia. Davajcie vynik! Nie budzie vyniku - treba pa-mužčynsku. Kab potym nie było stohnaŭ, jenkaŭ, jak heta byvaje ŭ kulturnych rabotnikaŭ i ŭ spartsmienaŭ. Usie vialikija śpiecyjalisty, usie — zorki, - skazaŭ Łukašenka.
Zavajavańnia miedaloŭ kiraŭnik Biełarusi zapatrabavaŭ i ŭ kiraŭnika Biełaruskaj fiederacyi lohkaj atletyki Vadzima Dzieviatoŭskaha.
- 10 alimpijskich miedaloŭ harantavanyja? Jak minimum, tak? - pacikaviŭsia Łukašenka.
- Ja ŭ kancy svajho słova chacieŭ skazać pra heta. U pryncypie vy dali płanku na stadyjonie «Dynama», kali było adkryćcio, - uspomniŭ Vadzim Dzieviatoŭski.
