Ukrainski deputat ad prarasijskaha «Apazicyjnaha błoka» Michaił Dobkin žorstka raskrytykavaŭ urad Rasii za pašyreńnie śpisa sankcyj suprać Ukrainy.
Niezadavolenaść palityk vykazaŭ u kamientary pad paviedamleńniem premjera-ministra Rasii Dźmitryja Miadźviedzieva ŭ Twitter. Dobkin papraknuŭ rasijan za rašeńnie ŭvieści sankcyi suprać jaho adnapartyjcaŭ, jakija hałasavali za vyklučeńnie Juryja Bojka i Siarhieja Lovačkina z «Apazicyjnaha błoka».
''Uniesci ŭ śpis usich, chto prahałasavaŭ za vyklučeńnie Bojka i Lovačkina z frakcyi AB u VR i abjavić heta abaronaj intaresaŭ rasijskaj dziaržavy i hramadzian Rasii?! Marazm macnieje! Dy idzicie vy nach** sa svaimi sankcyjami! D***ły, bł***!», — napisaŭ Dobkin.
«Paru tydniaŭ tamu, apazicyjaniery na Forumie Svabodnaj Rasii ŭnieśli mianie ŭ śpis pamahatych pucinskaha režymu. A siońnia ŭžo kiraŭnik urada RF padpisaŭ sankcyjny śpis vorahaŭ RF, dzie fihuruje i majo proźvišča! Vy tam raźbiaryciesia pamiž saboj chto z vas chu, a to śmiešna vyhladajecie», — dadaŭ jon.
Adznačym, što akramia Michaiła Dobkina i jaho brata Dźmitryja ad «Apazicyjnaha błoka» ŭ śpis sankcyj patrapili taksama Alaksandr Viłkuł, Barys Kaleśnikaŭ, Vadzim Navinski, Juryj Varapajeŭ, Taćciana Bachciejeva i inšyja prarasijskija palityki.
