My paviedamlali, što 28 śniežnia na vyjaznym pasiadžeńni ŭ čaści 25886 sud Baranavickaha rajona i Baranavič prysudziŭ praparščyka Jaŭhiena D. da 3 hadoŭ kałonii i štrafu 2450 rubloŭ za źbićcio dvuch sałdat.
Ilustracyjnaje fota
Jak viadoma «Našaj Nivie», heta toj samy praparščyk, jaki ŭ momant zatrymańnia pa hetaj spravie vydaŭ śledčym fakt taho, što z vajennaj čaści vynosiacca hranaty, aŭtamaty i pistalety.
Sud paćvierdziŭ vykładzienyja nami fakty, što praparščyk byŭ napadpitku.
Nahadajem, što pry kancy červienia zhadanaha praparščyka pjanym zatrymali paśla taho, jak jon pabiŭ sałdat terminovaj słužby.
Staršynoj roty 8-j bryhady vajskovaj čaści 29969 (supraćpavietranyja vojski) Jaŭhien D. słužyŭ na toj momant niadaŭna, paru miesiacaŭ.
Heta byŭ były śpiecnazaviec z Marjinaj Horki, i chacia ŭ Baranavičach jon raskazvaŭ, što pieraviali jaho pa stanie zdaroŭja, heta niapraŭda — raźvitacca z SSA jamu daviałosia praz kliničnuju ahresiju — niekalki razoŭ jon byŭ zamiešany ŭ bojkach.
Apošniaj kroplaj dla kiraŭnictva 5-j bryhady stała toje, što jon złamaŭ nahu niejkamu čałavieku na vulicy. Za heta jaho adpravili słužyć u baranavickuju čaść «dla zalotnych» — takaja reputacyja ŭ «vaśmiorki».
I voś znoŭ staryja pamyłki — napadpitku staršyna źbivaje dvuch sałdat u Baranavičach, — i heta paśla «koržyčaŭskich» raznosaŭ u vojsku!
U novaj čaści jamu heta nie darujecca i, užo jedučy, zatrymanym, u mašynie kamiendatury, jahony napałochany mozh znachodzić vyratavańnie — zatrymany vypadkova apraŭdvajecca: «A čamu vy ŭvohule na mnie adryvajeciesia? U vas tut u čaści i bieź mianie dupa». I hetym daje start kaśmičnaj pa svaim absurdzie kryminalnaj spravie.
Jon vydaŭ śledčym, što sa składu dziasiatkami vynosiacca aŭtamaty i pistalety.