Alaksandr Łukašenka nakiravaŭ vinšavańnie ŭdzielnikam uračystaha schodu, pryśviečanaha 100-hodździu z dnia ŭtvareńnia Kamunistyčnaj partyi Biełarusi. Pra heta BIEŁTA paviedamili ŭ pres-słužbie kiraŭnika dziaržavy.
«Abvieščanyja jaje stvaralnikami idei sacyjalnaj spraviadlivaści, roŭnych pravoŭ i mahčymaściaŭ dla ŭsich hramadzian krainy i narodaŭ śvietu, addanaści Ajčynie prajšli vyprabavańni časam i vojnami, vytrymali źmienu palityčnaha ładu. I siońnia źjaŭlajucca aryjenciram u pabudovie mocnaj, niezaležnaj, talerantnaj dziaržavy», - havorycca ŭ vinšavańni.
Alaksandr Łukašenka adznačyŭ, što Kamunistyčnaja partyja Biełarusi — aktyŭny ŭdzielnik palityčnaha, hramadskaha, ekanamičnaha i kulturnaha žyćcia krainy.
«Pierakanany, što, zachoŭvajučy pierajemnaść tradycyj, adstojvajučy histaryčnuju praŭdu, uvažajučy hieraičnaje minułaje svajho naroda, vy zaŭsiody budziecie hodnym prykładam dla padrastajučaha pakaleńnia, — padkreśliŭ kiraŭnik dziaržavy. — Dziakuj vam za viernaść ideałam i imknieńnie pracavać u imia miru i praćvitańnia našaj rodnaj Biełarusi».