Nacyjanalny bank Respubliki Biełaruś 19 śniežnia 2008 h. vypuskaje ŭ abaračeńnie pamiatnyja maniety sieryi «Umacavańnie i abarona dziaržavy» — «Davyd Haradzienski»:
srebnuju — naminałam 20 rubloŭ, probaj spłavu 925, masaj 33,62 h, dyjamietram 38,61 mm;
 i |
 |
miedna‑nikielevuju — naminałam 1 rubiel, masaj 15,50 h, dyjamietram 33,00 mm.
Maniety majuć formu kruha, ź piaredniaha i advarotnaha bakoŭ — vystupajučy kant pa akružnaści. Na bakavoj pavierchni maniet nadpis: UMACAVAŃNIE I ABARONA DZIARŽAVY.
Na piarednim baku maniet raźmieščany: uviersie — reljefny vidarys Dziaržaŭnaha hierba Respubliki Biełaruś i pa kruzie nadpis: RESPUBLIKA BIEŁARUŚ; u centry — vyjava rekanstrukcyi haradskoj krepaści staražytnaha Novaharodka (ciapier Navahrudak); pad joj nadpis: 20 RUBLOŬ (na srebnaj) i 1 RUBIEL (na miedna‑nikielevaj) i hod čakanki; sprava na srebnaj maniecie — proba spłavu.
Na advarotnym baku maniet raźmieščany: u centralnaj častcy — reljefnaja vyjava Davyda Haradzienskaha; źleva — adlustravańnie źvisłaj piačatki, što vykarystoŭvałasia dla aficyjnych hramat, z vyjavaj na joj kniazia Daŭmanta Nalšanskaha, jaki praviŭ pad chryścijanskim imiem Cimafiej i, pa adnoj ź viersij, byŭ baćkam Davyda Haradzienskaha; pa kruzie nadpisy: DAVYD HARADZIENSKI i hady jaho słužby: 1314—1326.
Maniety adčakanieny na ZAT «Litoŭski manietny dvor»: srebnaja — jakaściu «pruf», miedna‑nikielevaja — «pruf‑łajk».
Tyraž srebnaj i miedna‑nikielevaj maniet — pa 5000 štuk.
Pamiatnyja maniety, vypuščanyja ŭ abaračeńnie, źjaŭlajucca zakonnym płaciežnym srodkam Respubliki Biełaruś, abaviazkovym da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
