28 studzienia z Maskvy ŭ stalicu Vieniesueły Karakas vylecieŭ čartarny rejs rasijskaj avijakampanii Nordwind Airlines. Jon moža dastavić u Vieniesuełu abo vyvieźci z krainy 500 pasažyraŭ, paviedamlaje Novaja hazieta.
Avijakampanija zajmajecca čartarnymi turystyčnymi maršrutami i nikoli raniej nie ździajśniała rejsaŭ u Vieniesuełu. Akramia hetaha, u suviazi z apošnimi padziejami rasijskim turystam aficyjna nie rekamiendavana adpraŭlacca ŭ Vieniesuełu.
Pavodle vydańnia, samalot Boeing-777 viarnuŭsia z Tajłanda ranicaj u paniadziełak, zapraviŭ poŭny bak paliva i vylecieŭ z aeraporta Unukava a 14.00. Krynicy śćviardžajuć, što na borcie znachodziacca dva ekipažy, što śviedčyć pra toje, što transatłantyčny pieralot, chutčej za ŭsio, płanujecca biez adpačynku ŭ aeraporcie prybyćcia.
Pavodle Flightradar24, prylot rasijskaha Boeing u Karakas čakajecca a 20.00 pa miascovym časie.
U avijakampanii i MZS Rasii pakul nie prakamientavali infarmacyju pra zahadkavy palot Boeing-777 u Karakas.