Šoŭmien Uładzimir Zialenski vyjšaŭ na pieršaje miesca ŭ rejtynhu kandydataŭ u prezidenty Ukrainy. Dziejny kiraŭnik dziaržavy Piatro Parašenka taksama padniaŭ svoj rejtynh — jon na druhim miescy, byłaja premjerka Julija Cimašenka apuściłasia na treciuju pazicyju.
Pra heta śviedčać vyniki apytańnia, praviedzienaha tryma sacyjałahičnymi kampanijami (Centr sacyjalnych i markietynhavych daśledavańniaŭ «Socys», Kijeŭski mižnarodny instytut sacyjałohii i Centr Razumkova).
Pavodle dadzienych, apublikavanych u čaćvier, za pratestavaha kandydata Zialenskaha hatovyja prahałasavać 23% vybarcaŭ. Parašenku padtrymlivajuć 16,4%, Cimašenka — 15,7% respandentaŭ.
Prarasijski kandydat, vychadziec z Danbasa Juryj Bojka źbiraje 9,3% hałasoŭ, lidar partyi «Hramadzianskaja pazicyja» Anatol Hrycenka — 8,1%, lidar Radykalnaj partyi Aleh Laško — 6,7%. Kandydata ad aliharchičnaj partyi «Ukrop» Alaksandra Šaŭčenku hatovyja padtrymać 3,5%, mer Lvova Andrej Sadovy źbiraje 3,4%, lidar partyi «Našy», charkaviec Jaŭhien Murajeŭ — 2,7%. Kandydat ad nacyjanalistyčnaha abjadnańnia «Svaboda» Rusłan Kašulinski nabiraje 1,3%.
Uładzimir Zialenski ciesna źviazany z ukrainskim aliharcham Iharam Kałamojskim, ułaśnikam telekanała, na jakim tranślujecca prahrama «95-y kvartał».
