birdwatch.by
Biełaruskija navukoŭcy adnaŭlajuć papulacyju hetaj ptuški ŭ histaryčnych miescach žycharstva
Viartlavaja čarotaŭka da siaredziny XX stahodździa źnikła z terytoryi mnohich krain Zachodniaj Jeŭropy. Hety vid zaniesieny ŭ Čyrvonuju knihu sa statusam uraźlivy. Jak paviedamiŭ staršy navukovy supracoŭnik Navukova-praktyčnaha centra NAN Biełarusi pa bijaresursach Michaił Maksimienkaŭ, samaja vialikaja papulacyja viartlavaj čarotaŭki hniazdujecca ŭ našaj krainie — 38 %, va Ukrainie — 33 %, Polščy — 27 %, a ŭ Litvie ŭsiaho tolki 1 % ad usioj papulacyi.
Kab adnavić papulacyju bałotnych śpievakoŭ, raspačata realizacyja sumiesnaha biełaruska-litoŭskaha prajekta «Stvareńnie sietki klučavych miescapražyvańniaŭ dla zabieśpiačeńnia doŭhaterminovaha spryjalnaha achoŭnaha statusu viartlavaj čarotaŭki ŭ Litvie». Rabočaja nazva prajekta — LIFE Magni Ducftus Acrola — «Vialikaje kniastva viartlavaj čarotaŭki».
Letaś paśpiachova praviedziena adno z klučavych mierapryjemstvaŭ prajekta — transłakacyja viartlavaj čarotaŭki z terytoryi biełaruskaha bałota Zvaniec u litoŭski bijaśfierny reziervat «Žuvintas». Adłoŭ ptušak ažyćciaŭlaŭsia ź siaredziny maja da pačatku červienia.
Maładyja ptušaniaty ŭtrymlivalisia na terytoryi zakaźnika «Zvaniec» da taho času, pakul pryvykli da žyćcia ŭ abmiežavanaj prastory. Na ekspart pryznačałasia 50 ptušaniat, usie jany byli akalcavanyja. Navukoŭcy atrymali nieabchodnyja dakumienty dla bieśpieraškodnaha pierasiačeńnia dziaržaŭnaj hranicy z takimi niezvyčajnymi spadarožnikami i pieravieźli ptušaniat u «Žuvintas». U Litvie paśla adaptacyi ptušak vypuścili ŭ pryrodu.
Sioleta ŭ červieni budzie ažyćcioŭleny druhi etap transłakacyi viartlavaj čarotaŭki.