Školnik sa Stoŭbcaŭ, jaki napaŭ na adnakłaśnikaŭ i nastaŭnicu, ciapier znachodzicca ŭ Navinkach na psichołaha-psichijatryčnaj ekśpiertyzie. Pra heta, adkazvajučy na pytańni Tut.by, raspavioŭ kiraŭnik SK Ivan Naskievič.
— Śledstva vyznačyła, čamu padletak napaŭ na nastaŭnicu i školnikaŭ? Što nasamreč adbyłosia ŭ škole ŭ Stoŭbcach?
— Da kanca my jašče nie možam vyznačyć matyvacyju jaho dziejańniaŭ, ja kazaŭ pra toje, što nam udałosia vyjavić jaho devajsy, i toj abjom infarmacyi, jaki my adtul uziali, dazvalaje nam vypracavać napramak, u jakim dalej ź im razmaŭlać. Prykładna zrazumieła ŭžo, što im ruchała. Ale ŭ lubym vypadku my zaraz raźličvajem vielmi na dapamohu sudovych miedykaŭ, psichijatraŭ.
— Jon ciapier u Navinkach znachodzicca?
— Tak, jon zaraz nakiravany na kompleksnuju sudovuju psichołaha-psichijatryčnuju ekśpiertyzu, jon tam budzie dosyć doŭhi čas — miesiac-paŭtara, napeŭna, ź im tam buduć razmaŭlać sudovyja psichijatry. My im pieradali ŭsiu najaŭnuju ŭ nas infarmacyju, my spadziajomsia, što jany nam dapamohuć u raskryćci matyvu jaho dziejańniaŭ.
— Tam byŭ niejki kanflikt u škole?
— U nas niama abjektyŭnych dadzienych, kab kazać pra toje, što tam byŭ niejki kanflikt. Kali niešta i było, to vielmi schavanaje, i pakul my heta nie vyjavili. Nie mahu harantavać, što kanfliktu nie było, ale nam pakul nieviadoma.
— Ale vy razumiejecie, što im ruchała?
— Zdahadvajemsia, skažam tak. Ale vy pavinny padzialić maju aściarožnaść, luboje nieabdumanaje słova moža vyklikać nastupstvy. Pierad kancom rasśledavańnia my abaviazkova apublikujem usio, što viedajem, usio, što vyjavili. Zadača nie tolki zrazumieć, što adbyłosia i z-za čaho adbyłosia, ale i apiaredzić padobnyja rečy, kab jany nie paŭtaralisia nadalej.
— Kažuć, što cichaha adzinočku praktyčna niemahčyma vyjavić.
— Ja z vami całkam zhodny, ale praściej za ŭsio skazać, što ničoha nielha zrabić. A štości rabić my pavinny, pahadziciesia.
Nahadajem, ranicaj 11 lutaha vučań 10-ha kłasa SŠ № 2 u Stoŭbcach napaŭ z nažom na nastaŭnicu i školnikaŭ. U vyniku zahinuli piedahoh i staršakłaśnik, a dvoje vučniaŭ trapili ŭ balnicu.
Čamu jon? Baćka chłopca, jakoha zabili ŭ Stoŭbcach, padrabiazna raskazaŭ pra syna i dzień jaho śmierci
