39-hadovaha Andreja Karolku pryznali vinavatym pa č.2 art. 430 (Atrymańnie chabaru paŭtorna abo ŭ bujnym pamiery) i ŭziali pad vartu ŭ zale suda, piša Tut.by.
— Kali kahości ź lekaraŭ prysudzili da ŭmoŭnaha terminu, my vieryli, što i Andreja prysudziać da abmiežavańnia voli biez nakiravańnia. Spadziavalisia da apošniaha, a potym daviedvajemsia: jamu dali 4 hady, — raskazvajuć žychary Starych Daroh, adkul rodam užo były hałoŭny lekar Minskaj abłasnoj balnicy Andrej Karolka.
Jak daviedaŭsia Tut.by, prysud lekaru vynieśli jašče 7 lutaha. Spravu razhladaŭ sud Maskoŭskaha rajona Minska, Andreja Karolku pryznali vinavatym pa č.2 art. 430 (Atrymańnie chabaru paŭtorna abo ŭ bujnym pamiery) i ŭziali pad vartu ŭ zale suda.
20 červienia 2018 hoda hałoŭnaha ŭrača Minskaj abłasnoj balnicy Andreja Karolku supracoŭniki ŭ cyvilnym vyvieli z pracoŭnaha kabinieta, pasadzili ŭ aŭtamabil i pavieźli. 3 žniŭnia jaho adpuścili ź SIZA na svabodu, jon straciŭ pasadu i uładkavaŭsia pracavać chirurham-traŭmatołaham u pryvatny miedycynski centr, dzie prymaŭ pacyjentaŭ až da prysudu.
39-hadovy Andrej Karolka rodam ź vioski Budzieničy Staradarožskaha rajona. Skončyŭšy miedycynski ŭniviersitet z čyrvonym dypłomam, pryjechaŭ pracavać na radzimu. Pačynaŭ z pasady chirurha-traŭmatołaha, zatym uznačaliŭ Kapylskuju rajonnuju balnicu, a z 2013 hoda — Minskuju abłasnuju.
Sud Maskoŭskaha rajona Minska prysudziŭ Andreja Karolku da 4 hadoŭ pazbaŭleńnia voli ŭ kałonii va ŭmovach uzmocnienaha režymu. U Viarchoŭnym sudzie nie zmahli apieratyŭna prakamientavać prysud, paprasili piśmovy zapyt.
