U Biełarusi vyznačany minimalny paroh bałaŭ na centralizavanym teściravańni 2019 hoda. Heta praduhledžana pastanovaj Ministerstva adukacyi ad 1 sakavika, jana apublikavanaja na pravo.by
Pa biełaruskaj i ruskaj movach niezdavalniajučymi buduć pryznanyja adznaki ad 0 da 9 bałaŭ, a dla śpiecyjalnaściaŭ fiłałahičnaha profila — ad 0 da 24 bałaŭ. Pa pieršym pradmiecie profilnaha vyprabavańnia — matematycy, fizicy, bijałohii, chimii — takimi adznakami buduć ad 0 da 19 bałaŭ, pa druhim pradmiecie — ad 0 da 9. Pa pieršym pradmiecie profilnaha vyprabavańnia — historyi Biełarusi, suśvietnaj historyi, hramadaznaŭstvie, zamiežnych movach, hieahrafii — niezdavalniajučymi buduć adznaki ad 0 da 24 bałaŭ, pa druhim pradmiecie — ad 0 da 14.
Pry nabory ŭ VNU, jakija znachodziacca ŭ padnačaleńni MNS, Dziaržpamiežkamiteta, Minabarony, na vajennyja fakultety i na šerah śpiecyjalnaściaŭ, jakija majuć dačynieńnie da sielskaj haspadarki («mielijaracyja i vodnaja haspadarka», «ahrainžynieryja» da inšyja) niezdavalniajučymi vyznačany bały ad 0 da 6.
Pry hetym adznačajecca, što letaś minimalny paroh bałaŭ na centralizavanym testavańni byŭ takim ža.
