U Minsku ŭ pamiaškańni «Sputnika» adbyłasia pres-kanfierencyja rasijskaha pasła Michaiła Babiča. Viadučyja internet-ŚMI krainy admovilisia tudy iści z pryčyny zajaŭlenaj temy: «uhodkaŭ dałučeńnia Kryma da Rasii».
Čytajcie: «Naša Niva», Tut.by, BiełaPAN, «Narodnaja Vola» i «Jeŭraradyjo» vyrašyli nie ŭdzielničać u pres-kanfierencyi Babiča
Napiaredadni źjaviłasia infarmacyja, što dziaržaŭnym ŚMI zabaranili prychodzić na kanfierencyju, ale heta vyjaviłasia praŭdaj tolki častkova — nasamreč, pradstaŭniki dziaržaŭnych ŚMI prysutničali, ale nie zadavali nijakich pytańniaŭ i ŭ vyniku nie dali nijakaj infarmacyi.
Chto ŭ vyniku braŭ udzieł u pres-kanfierencyi? Pieraličym usich, chto zadavaŭ pytańni. Napierad varta skazać, što značnych biełaruskich ŚMI siarod ich nie było.
Takim čynam, pytańni zadali:
— Biełaruskaja słužba rasijskaha ahienctva «Interfaks».
— Rasijanin Siamion Urałaŭ, jaki prezientuje siabie kiraŭnikom «sajuznaha partała» SANAR-2050.
— Alaksiej Dzierman, redaktar «Imchakłaba».
— Rasijskaja hazieta «Kommiersant'».
— Ułasna sam «Sputnik».
— «Mižnarodnaje hramadskaje abjadnańnie «Ruś jedinaja» «z adnajmiennym partałam».
— Andrej Syč, rumołaviec z Homiela, jaki pradstaŭlaŭ «Naš Homiel» — sajt, dziejnaść jakoha, jak možna mierkavać, viadziecca za hrošy rasijskich fondaŭ. Ułasnaha kantentu na im vobmal.
— Žurnalistka kanała «112 Ukraina». Jana ŭdakładniła, a navošta ŭvohule voś heta ŭsio.
— Karespandent «Ciapierašniaha času» (videaprajekt «Hołasu Amieryki») Sierž Charytonaŭ.
— Nieviadomy ŭ žurnalisckich kołach sajt «Jeŭrazijskaje partniorstva».
— Prarasijski aktyvist Arciom Ahafonaŭ.