Bymedia.net
Čynoŭniki ŭ adkazie spasłalisia na vyniki anłajn-hałasavańnia na sajcie dziaržaŭnaj haziety «Słonimski vieśnik», piša Radyjo Svaboda.
Adkaz sa Słonimskaha rajvykankama i rajonnaha savieta deputataŭ atrymaŭ žychar Słonima Aleś Masiuk.
Jak śviedčyć adkaz z rajvykankama za podpisam namieśnicy staršyni Kaciaryny Rutkoŭskaj, u apytańni tolki 43,2% byli za pierajmienavańnie. Da taho ž, čynoŭniki apytali 16 čałaviek, jakija žyvuć abo pracujuć pa adrasie «płošča Lenina», i ŭsie jany nibyta vykazalisia za toje, kab nie čapać nazvu.
Z ulikam hetych ličbaŭ tapanimičnaja kamisija rajvykankama vyrašyła pakinuć nazvu płoščy bieź źmien, havorycca ŭ adkazie (jak pišuć ŭ liście: «zastavić bieź źmianieńnia», choć pa-biełarusku musić być «pakinuć»).
Varta adznačyć, što čytačy adznačali prykmiety nakručvańnia hałasoŭ padčas anłajn-hałasavańnia na sajcie «Słonimskaha vieśnika».
