Mer Ńju-Jorka Bił de Błazia abviaściŭ nadzvyčajnuju situacyju ŭ suviazi z uspyškaj adru ŭ rajonie Bruklin, zapatrabavaŭšy ad žycharoŭ u abaviazkovym paradku prajści praceduru vakcynacyi, piša The New York Times.
«Heta epicentr uspyški adru, jaki pavinien być likvidavany nieadkładna», - skazaŭ jon.
Pavodle jaho słoŭ, vakcyna suprać adru pracuje i źjaŭlajecca absalutna biaśpiečnaj i efiektyŭnaj. De Błazia adznačyŭ, što tyja, chto admovilisia ad pryščepak, mohuć być aštrafavanyja na $ 1 tys.
Jak paviedamlaje hazieta, u horadzie zarehistravana 285 vypadkaŭ zachvorvańnia na adzior, 21 ź jakich pryvioŭ da špitalizacyi. NYT adznačaje, što ŭłady horada na praciahu niekalkich miesiacaŭ zmahalisia z adrom u ultraartadaksalnych jaŭrejskich hramadach u Bruklinie, adnak ich členy i inšyja miascovyja žychary ŭ bolšaści svajoj admaŭlalisia ad vakcynacyi.
