Ja ŭžo navat mahu pryznacca, što ja - siecivamanka... Treba chutčej pazbavicca ad hetaj zvyčki, ale ja nie pra heta.
Na šmatlikich sajtach možna aŭtamatyčna pierakłaści staronku, na jakuju chočaš movu, ale zusim nie časta na biełaruskuju.Ja ŭ asnoŭnym nie źviartaju ŭvahi, kali heta datyčycca «našych» sajtaŭ (čaho ad našych čakać?), ale kali sprava idzie ab mižnarodnym sajcie, tut užo kryŭda biare...
Honar adkazvaje novym znajomcam z usiaho śvietu, što rodnaja mova — biełaruskaja. Ale rozum u hety čas pratestuje: my ž joj karystajemsia tolki ŭ «śviatočnych» vypadkach! I voś niekalki dzion tamu moj novy znajomy (fin pa nacyjanalnaści) vykazaŭ žadańnie na anhielskaj movie, što choča razmaŭlać pa-biełarusku! Jon paprasiŭ u mianie adras onłajn-pierakładčyka. Usia sprava ŭ tym, što dahetul jaho ŭrazili maje kamentary na finskaj movie. Pačała ja šukać u tym pierakładčyku biełaruskuju movu i, zrazumieła, što nie znajšła... I tak mnie soramna stała! Pačała šukać u siecivie i znajšła adzin, ale i toj sa mnoj «razmaŭlać» nie žadaŭ. Ja tak i papiaredziła majho znajomaha, što moža jano i nie budzie pracavać jak treba, ale jon zhadziŭsia pravieści vyprabavańni ŭ volny čas.
Niaŭžo nie isnuje na prastorach sieciva pierakładčykaŭ na biełaruskuju movu, akramia adnaho niaŭdałaha anhielska-biełaruskaha?
