Demakratyčnaja partyja małdaŭskaha aliharcha Ułada Płachatniuka abviaściła, što ŭrad Paŭła Filipa sychodzić u adstaŭku. Pa słovach demakrata Uładzimira Čabatara, heta adzinaje, što možna zrabić na hety momant.
Rašeńnie było pryniata na palityčnaj radzie Demakratyčnaj partyi, jakaja prajšła siońnia.
Urad Paŭła Filipa pakinie ŭrad i ŭradavyja budynki, pačynajučy ź piatnicy, 14 červienia.
Pradstaŭniki partyi Płachatniuka pahadzilisia razbłakavać uradavyja budynki paśla vizitu pasła ZŠA Dereka Chohana ŭ ofis partyi.
Nahadajem, 8 červienia małdaŭskija prarasijskija sacyjalisty damovilisia z prajeŭrapiejskaj partyjaj Acum vystupić suprać Demakratyčnaj partyi aliharcha Ułada Płachatniuka. U vyniku parłamient uznačaliła lidarka sacyjalistaŭ Zinaida Hračany, urad — adna ź lidarak Acum Sandu.
Demakraty paskardzilisia ŭ Kanstytucyjny sud, jaki pryznaŭ rašeńni niekanstytucyjnymi. Dadona adchilili ad abaviazkaŭ prezidenta, kab v. a. premjer-ministra ad Dempartyi Pavieł Filip zamiest jaho padpisaŭ ukaz ab rospusku parłamienta. Adnak Dadon paličyŭ heta ŭzurpacyjaj ułady i admianiŭ ukaz Filipa.
Rasija, ZŠA i Jeŭrasajuz padtrymali rašeńni małdaŭskich deputataŭ. Adnak kiraŭnictva partyi Płachatniuka nie pryznała novyja parłamient i ŭrad i zabłakavała ŭvachody ŭ dziaržustanovy.