Prezident ZŠA Donald Tramp abviaściŭ pra namier bałatavacca ŭ prezidenty na vybarach 2020 hoda. Pra heta jon paviedamiŭ, vystupajučy pierad prychilnikami ŭ horadzie Arłanda (Fłaryda).
«Siońnia ja staju pierad vami, kab aficyjna zapuścić svaju kampaniju pa baraćbie za prezidencki fatel», — skazaŭ Tramp. Jon taksama zaklikaŭ amierykancaŭ prychodzić na vybary 3 listapada 2020 hoda, kab «skončyć z hetaj karumpavanaj sistemaj».
Prychilniki Trampa ŭspryniali jaho pryjezd z entuzijazmam: niekatoryja ź ich zaniali čarhu dla kupli kvitkoŭ na vystup prezidenta jašče za 40 hadzin da pačatku, paviedamlała vydańnie Orlando Sentinel.
Rašeńnie Trampa abviaścić pra vyłučeńnie mienavita ŭ Arłanda nie vypadkova. Z usich «štataŭ, što vahalisia, dzie toj pieramoh u 2016-m hodzie, jaho pieravaha ŭ Fłarydzie była samaj vialikaj, i zaraz prezident choča paŭtaryć taki pośpiech, piša RBK.
