Ukrainski telekanał NewsOne abviaściŭ pra admienu telemosta z «Rasijaj 1» pad nazvaj «Treba pahavaryć» z-za «pramych pahroz fizičnaj raspravy».
«U suviazi ź infarmacyjnaj kampanijaj suprać svaich žurnalistaŭ, pahrozaj napadu na kanał i vykarystańniem jaho imia ŭ pieradvybarčaj kampanii šerahu ŭkrainskich partyj, my vymušanyja spynić padrychtoŭku telemarafona «Treba pahavaryć», - skazana ŭ paviedamleńni.
U NewsOne padkreślili, što pieradača pavinna była stać «pieršym niepalityčnym telemostam pamiž ludźmi z Ukrainy i Rasii».
Ab płanach «Rasii 1» i NewsOne, jaki źviazvajuć z «kumam Pucina» Viktaram Miedviedčukom, pravieści rasijska-ŭkrainski telemost, napiaredadni abviaściŭ viadučy «Vieściej tydnia» Dźmitryj Kisialoŭ. U anonsie šou viadučyja - Andrej Małachaŭ, Maryja Sitel, Alena Kiryk i Vasil HałavanaŬ — z uśmieškaj kazali: «Nam treba pahavaryć».