Stvaralnik alei z parasonami na Kamsamolskaj velcom | A1 zapuściŭ šerynh parasonaŭ u Minsku. Ciapier luby minak moža biaspłatna skarystacca «kamfortnym parasonam» u vypadku niepahadzi, a paśla padzialicca ź inšymi.
Miechanika šerynhu prostaja: parason možna ŭziać u śpiecyjalnych košykach ci prosta znajści ŭ horadzie, a kali nadvorje palepšycca, pakinuć na bačnym miescy — naprykład, la ŭvachodu ŭ kafe, na stancyi mietro, kala aŭtobusnaha prypynku, na łaŭcy. Schiema nahadvaje anałahičnyja servisy arendy samakataŭ ci aŭto. Adroźnieńnie ŭ tym, što za parasony nie treba płacić, a karystacca imi možna ŭ bieźlimitnym režymie. Kali nadvorje pačnie psavacca znoŭ, pakinuty parason dapamoža inšamu minaku.
Parasony možna vykarystoŭvać nie tolki jak ukryćcio ad daždžu, ale i jak jarki aksesuar dla letnich sełfi. Pačynalniki parasonašerynhu zaklikajuć vykładać hetyja fota ŭ sacsietki z chešteham #komfortnyjzontik.
U šerynhu ŭdzielničajuć parasony troch koleraŭ: biełaha, čyrvonaha i žoŭtaha. U horadzie ich lohka paznać pa nadpisie «Kamfortny parason». Časovyja skryni z parasonami dla šerynhu raźmiaścili na «Kamfortnaj alei» pa vulicy Kamsamolskaj i la ŭvachodu ŭ centr prodažaŭ velcom | A1 pa adrasie Internacyjanalnaja, 36-2.
«Zapusk šerynhu parasonaŭ — pieršy krok na šlachu, kab ideja dastupnaha ŭsim biez vyklučeńnia prakatu stała častkaj sacyjalnaha žyćcia Minska. My ŭpeŭnienyja, što hetaja aktyŭnaść pryjdziecca daspadoby haradžanam i dazvolić zrabić naš horad bolš kamfortnym, jarkim i pryjaznym va ŭmovach niepradkazalnaha nadvorja. Aproč taho, zaprašajem dałučycca da dalejšaha raźvićcia idei ŭsich zacikaŭlenych. Kab šerynh staŭ častkaj haradskoj infrastruktury, nieabchodny aktyŭny ŭdzieł i cikavaść jak samich minčan, tak i ŭłaśnikaŭ biznesu: kafe, kramaŭ i inšych hramadskich ustanoŭ. Spadziajomsia, što naš prykład u budučyni transfarmujecca ŭ vialiki prajekt, jaki zrobić žyćcio haradžan jašče bolš kamfortnym», — adznačyŭ kiraŭnik adździeła karparatyŭnych kamunikacyj velcom | A1 Mikałaj Bredzieleŭ.
Bolš za 100 «kamfortnych parasonaŭ» užo «špacyrujuć» pa Minsku, a ŭžo praz tydzień ich kolkaść uzraście amal da 300: dadaducca tyja, jakija ciapier upryhožvajuć vulicu Kamsamolskuju. Samu «kamfortnuju aleju» možna budzie naviedać da 21 lipienia ŭklučna.
