Arhanizacyja Human Constanta, jakaja, siarod inšaha, zajmajecca abaronaj pravoŭ biežancaŭ, apublikavała spravazdaču za pieršuju pałovu 2019 hoda.
Rasijskija hramadzianie na čyhunačnym vakzale ŭ Breście. Fota Iryny Arachoŭskaj.
Vałanciory pravodzili na vakzale ŭ Breście ankietavańnie ludziej, jakija šukajuć prytułak u Polščy. Za ŭvieś čas pahadzilisia adkazać na pytańni 52 čałavieki.
Chto hetyja ludzi? 75% — vychadcy z Čačni, 13% — z Tadžykistana.
Jakija pryčyny ŭciokaŭ z radzimy?
Samaje častaje, 39 z 52 vypadkaŭ, — pahrozy i pieraśled. Aproč taho, ukazvalisia katavańni (4 čałavieki), ucioki ad chatniaha hvałtu (2), miedycynskija pryčyny (2), pošuk i ŭźjadnańnie siamji (2), kroŭnaja pomsta (1).
81% tych, chto sprabavaŭ prabicca ŭ Polšču, zajavili, što navat nie źviartalisia pa šenhienskuju vizu. Astatnija 19% źviartalisia i atrymali admovu.
