Zasłužany majstar sportu Biełarusi, nieadnarazovy čempijon śvietu, spartsmien‑instruktar Ministerstva sportu i turyzmu navapałačanin Vadzim Dzieviatoŭski ŭdastojeny hanarovaha zvańnia «Čałaviek hoda Viciebščyny» ŭ naminacyi «Fizičnaja kultura, sport i turyzm».
Razam ŭ kiradlnikam mołata ŭładalnikami hetaha zvańnia, zasnavanaha ŭpieršyniu pa rašeńni Viciebskaha abłvykankama, stali 100 žycharoŭ rehijona.
Uračystaja cyrymonija ŭznaharodžańnia lepšych rabotnikaŭ i śpiecyjalistaŭ projdzie ŭ Viciebsku 14 lutaha. Siarod łaŭreataŭ — pradstaŭniki roznych śfier: pramysłovaści, sielskaj haspadarki, ŽKH, bytavoha absłuhoŭvańnia, transpartu, suviazi, handlu, achovy zdaroŭja, žurnalistyki, kultury i mastactva i h.d. «Čałaviekam hoda Viciebščyny» nazvany jak radavyja rabotniki — pradaviec, dvornik, paštaljon, hetak i kiraŭniki pradpryjemstvaŭ i arhanizacyj.
Jak paviedamlałasia raniej, dyscyplinarnaja kamisija Mižnarodnaha alimpijskaha kamiteta pryniała rašeńnie anulavać vyniki biełaruskich kidalnikaŭ mołata Vadzima Dzieviatoŭskaha i Ivana Cichana, pakazanyja imi na Alimpijadzie‑2008 u Piekinie, u suviazi sa stanoŭčymi dopinh‑probami. Biełaruskija atlety majuć namier dakazvać svaju nievinavataść u Spartyŭnym arbitražnym sudzie ŭ Łazanie.
Varta zaznačyć, što ŭ śniežni 2008 hoda V.Dzieviatoŭski ŭ liku inšych viciebskich spartsmienaŭ‑pryzioraŭ i ŭdzielnikaŭ XXIX Alimpijskich hulniaŭ atrymaŭ hrašovuju premiju Viciebskaha abłvykankama. Na adnoj ź siesij Viciebskaha abłsavieta deputataŭ staršynia abłvykankama Alaksandr Kosiniec vykazaŭ dumku, što V.Dzieviatoŭskaha i I.Cichana nieabchodna padtrymać.
