Baćka chłopčyka, vučnia 4-ha kłasa homielskaj škoły, jaki staŭ udzielnikam kanfliktu z nastaŭnikam, paviedamiŭ Tut.by, što jaho z synam vyklikali ŭ milicyju
— My zaraz jedziem da inśpiektara [pa spravach niepaŭnaletnich] na razmovu. Patelefanavali z RAUS i zaprasili. Buduć, napeŭna, tłumačeńni brać.
A druhoj hadzinie dzicia pavinna było być na ŭrokach, ale, padobna, siońnia jano zaniatki prapuścić.
Nakont skandału ŭ škole Raman koratka prakamientavaŭ tak:
— Adzinaje — škada dyrektara. Harmatnaje miasa. Paniesła adkaznaść naohuł niezrazumieła za kaho.
Aficyjny pradstaŭnik MUS Volha Čamadanava paviedamiła Tut.byt, što pa fakcie incydentu ŭ škole № 15 raspačataja pravierka ŭ ramkach administracyjnaha zakanadaŭstva.
— Zaraz apytvajucca ŭsie ŭdzielniki kanfliktu i prysutnyja pry im — piedahoh i šerah dziaciej (pry ŭdziele ich zakonnych pradstaŭnikoŭ).