Telekanał «Biełsat» na svaim sajcie i ŭ sacsietkach raspaŭsiudziŭ infarmacyju, što ŭ minskaj škole №93 adbyŭsia vybuch. Navina išła pad šapkaj «terminova», paviedamlałasia, što ŭ škołu nikoha nie puskajuć.
Adznačym, što škoła №93 — heta taja, jakuju 1 vieraśnia adkryvaŭ Alaksandr Łukašenka, znachodzicca jana ŭ mikrarajonie Vialiki Les va Uruččy.
U pryjomnaj škoły «NN» raskazali, što siońnia na terytoryi navučalnaj ustanovy spracavaŭ vohnietušyciel. «Bolš nijakich zdareńniaŭ nie było, paraškovy «pyłok» užo prybrali. Ciapier pracujem u mirnaj i spakojnaj abstanoŭcy».
Patłumačyli «NN» i adkul była mašyna chutkaj dapamohi la budynka. «U adnaho ź dziaciej anhina, tamu dla jaho vyklikali». Škoła №93 praciahvaje pracavać u zvyčajnym režymie.
0
0
0
0
0
0
