Čarhovyja parłamienckija vybary pačalisia ŭ niadzielu ŭ Polščy, piša tass.ru.
Addać svoj hołas na vybarach mohuć bolš za 30 młn palakaŭ na 27 415 vybarčych učastkach jak unutry krainy, tak i za jaje miežami. U biuleteniach dla hałasavańnia vybarščyki ŭbačać u asnoŭnym pradstaŭnikoŭ piaci palityčnych abjadnańniaŭ, jakija zarehistravali svaich kandydataŭ u kožnym z 41 vybarčych akruhaŭ.
Hramadzianam Polščy treba budzie vybrać 460 deputataŭ Siejma (nižniaj pałaty parłamienta) i 100 sienataraŭ (členaŭ vierchniaj pałaty). Vybary ŭ Siejm prachodziać pa praparcyjnaj sistemie, a vybary ŭ Sienat - pa adnamandatnych vybarčych akruhach.
Zhodna z płanam, usie ŭčastki dla hałasavańnia pavinny začynicca ŭ 21:00. Adrazu ž paśla hetaha miascovyja ŚMI apublikujuć dadzienyja ekzitpołaŭ.
Pavodle papiarednich apytańniaŭ vybarcaŭ, 44,3% chočuć hałasavać za kiroŭnuju kansiervatyŭnuju partyju «Prava i Spraviadlivaść», 22,7% za libieralnuju «Hramadzianskuju kaalicyju», piša radyjo «Svaboda». U Siejm prajšli b «Levyja» z padtrymkaj 13,8% i «Polskaja sialanskaja partyja» — 6,2%. Pa-za parłamientam apynułasia b «Kanfederacyja» libiertaryjancaŭ, nacyjanalistaŭ i jeŭraskieptykaŭ — 3,5%.
