Pazačarhovaj sabor ijerarchaŭ (schod ŭsich japiskapaŭ) Hrečaskaj carkvy 12 kastryčnika pryniaŭ rašeńnie ab pryznańni aŭtakiefalnaj Pravasłaŭnaj carkvy Ukrainy, piša bbc.com.
Užo ŭ najbližejšy čas pradstajaciel PCU Jepifan moža naviedać Hrecyju i słužyć z pradstajacielem carkvy Ełady. Heta budzie apošnim etapam pryznańnia PCU z boku Hreckaj carkvy.
Takim čynam, Eładskaja carkva stała pieršaj paśla Suśvietnaha patryjarchatu (jaki daŭ aŭtakiefaliju PCU) pamiž pamiesnych pravasłaŭnych cerkvaŭ śvietu, što pryznała niezaležnuju PCU i ŭstupaje ź joj u eŭcharystyčnyja (mižcarkoŭnyja) znosiny.
Hrečaskaja źjaŭlajecca adnoj z najbujniejšych pravasłaŭnych cerkvaŭ śvietu i ličycca ŭ Hrecyi dziaržaŭnaj.
Rašeńnie ŭ Afinach pavinna adkryć šlach dla bolš aktyŭnaha pryznańnia niezaležnaj ad Maskvy Pravasłaŭnaj carkvy Ukrainy suśvietnym pravasłaŭjem. Taksama heta moža spryjać pierachodu da aŭtakiefalnaj carkvy ŭkrainskich prychodaŭ Maskoŭskaha patryjarchatu.