Infarmacyja pra heta jość u manitorynhu kampanii «Pravaabaroncy za svabodnyja vybary « za 7—12 kastryčnika.
Pavodle jaho, paśla zaviaršeńnia vyłučeńnia kandydataŭ u deputaty adbylisia pasiadžeńni akruhovych vybarčych kamisij, na jakich razhladalisia pytańni arhanizacyi pracy kamisij pa praviercy podpisaŭ vybarščykaŭ, padadzienych vyłučencami dla rehistracyi kandydatami ŭ deputaty. «U bolšaści vypadkaŭ naziralnikam było admoŭlena ŭ nazirańni za praceduraj pravierki sapraŭdnaści podpisaŭ vybarščykaŭ u padpisnych listach», — adznačajuć pravaabaroncy.
Taksama aktyvisty adznačajuć, što niahledziačy na ahulnuju bolšuju kolkaść vyłučanych kandydataŭ (pavodle dadzienych CVK, u sioletniaj vybarčaj kampanii vyłučany 703 pretendenty na deputacki mandat), apazicyjnych pradstaŭnikoŭ stała kolkasna mienš.
Pravaabaroncy źviartajuć uvahu i na pryniatuju CVK Pastanovu № 63, što vyznačaje pieralik dakumientaŭ, pa jakich vydajecca biuleteń dla hałasavańnia. Pastanova pašyraje koła asobaŭ, jakija mohuć atrymać biuleteń nie pa pašparcie, za košt rabotnikaŭ dziaržaŭnych arhanizacyj.
