Bałharyja hatovaja padvoić pamier subsidyj, kab vyjhrać tendar na pabudovu pradpryjemstva Volkswagen, kankurujučy z Turcyjaj u baraćbie za budaŭnictva na jaje terytoryi zavoda niamieckaha aŭtavytvorcy.
Pra heta zajaviŭ były prezident Bałharyi Rosien Pleŭnielijeŭ u intervju haziecie Frankfurter Allgemeine Zeitung, piša epravda.com.ua.
«My znajšli sposab prapanavać Volkswagen ad 250 da 260 młn jeŭra zamiest 135 miljonaŭ jeŭra», — skazaŭ Pleŭnielijeŭ .
Kampanii ŭžo nakiravali adpaviednuju prapanovu, ale adkazu pakul nie atrymana.
Jon adznačyŭ, što padtrymka budaŭnictva zavoda z boku Bałharyi aceńvajecca ŭ 800 młn jeŭra. Pleŭnielijeŭ skazaŭ, što hetyja subsidyi uzhodnieny ź Jeŭrakamisijaj.
Volkswagen u suviazi z pačatkam vajennaj apieracyi Turcyi ŭ paŭnočnych rajonach Siryi zamaroziŭ płany budaŭnictva zavoda ŭ pravincyi Manisa.
Na pačatku kastryčnika VW zasnavaŭ daččynuju kampaniju z kapitałam u 164 młn dalaraŭ, płanujučy pabudavać pradpryjemstva, jakoje budzie vypuskać kala 300 tysiač aŭtamabilaŭ na hod. Inviestycyi ŭ prajekt aceńvalisia ŭ 1,3 młrd jeŭra. Novy zavod stanie 123-m dla Volkswagen u śviecie.
