My nie zabylisia ŭ Narviehii na Biełaruś 5

Jak užo paviedamlałasia, ad Narviehii na «Jeŭrabačańnie», pajeździe biełarus Alaksandr Rybak.

Jahonyja baćki vyjechali ź Biełarusi ŭ Narviehiju 18 hadoŭ tamu. Hutarka z baćkam śpievaka — Iharam Rybakom.

***

Saša Rybak naradziŭsia ŭ Minsku. Jahonyja baćki pakinuli Biełaruś, kali chłopčyku było ŭsiaho čatyry hady. Siamja pasialiłasia ŭ žyvapisnym Niesodanie i z taho času Saša anivodnaha razu nie byŭ na radzimie.

Vyras u Narviehii, skančaje ŭ Osła kansiervatoryju… Pra słaŭnaje žyćcio novaj zorački «Jeŭrabačańnia‑2009» my pahutaryli z baćkam i nastaŭnikam Alaksandra — Iharam Rybakom.

‑ Ihar Alaksandravič, u interviju narviežskaj viaščacielnaj karparacyi NRK vaš syn pryznajecca, što ruskuju movu jon paśpiachova zabyvaje. Siarod jahonych siabroŭ niama biełarusaŭ?

— Vielmi mała.

— Pra «Pieśniaroŭ» Saša, napeŭna, ničoha nie viedaje.

— Nu jak ža?

My lubim «Pieśniaroŭ», słuchajem. Ja sam pišu pieśni na vieršy Bahdanoviča, naprykład, i Saša ich z zadavalnieńniem vykonvaje.

Kaliści ja pracavaŭ u viciebskim ansambli — davoli papularnym u svoj čas, my hrali ŭ restaracyjach, tak što z «pieśniaroŭskim» repiertuaram moj syn, kaniečnie, taksama znajomy. Praŭda, voś knihi pa‑rusku albo pa‑biełarusku jon čytaje vielmi redka.

— U internecie jość infarmacyja, što ŭ vas samoha skłałasia davoli paśpiachovaja karjera muzyki ŭ Narviehii. Heta tak?

— U mianie svaja pryvatnaja skrypičnaja škoła, pryblizna 30 vučniaŭ navučaju štohod. Sašyna mama, Natalla Valancinaŭna, — taksama davoli zapatrabavany pijanist i arhanist, jana supracoŭničaje ź viadomymi charavymi kalektyvami, vykładaje ŭ škole…

— A čamu vy źjechali ź Biełarusi?

— Ja vyrašyŭ heta, napeŭna, tak ža spantanna, jak i moj syn, jaki ryzyknuŭ udzielničać u «Jeŭrabačańni»… 18 hadoŭ tamu mianie zaprasili pracavać u Narviehiju. Ja pahadziŭsia.

— Anirazu nie paškadavali?

— Ja niasu našuju biełaruskuju kulturu ŭ Jeŭropu —

savieckaja škoła vykładańnia kłasiki da hetaha času tut cenicca…

— I vy nastajali na tym, kab Saša navučaŭsia ŭ kansiervatoryi pa kłasie skrypki?

— Kali ja byŭ dziciom, mianie mama prasiła kožny dzień hrać na skrypcy hadzinu ci dźvie. Usie dzieci adnolkavyja. Nichto nie choča štodzionna stajać i «pilić»… Ale siońnia ja svajoj maci ŭdziačny za niekatoruju nastojlivaść. Ja taksama kožny dzień udzielaŭ Sašy niekalki hadzinaŭ, kab pazajmacca ź im muzykaj. Jahonyja prestyžnyja ŭznaharody ŭ muzyčnych konkursach i telešoŭ pierakonvajuć mianie, što Saša zachapiŭsia skrypkaj pa‑sapraŭdnamu.

— Dla jaho konkurs «Jeŭrabačańnie» — heta, moža być, niesurjoznaje mierapryjemstva? Muzyki z kłasičnaj vyvučkaj časta pabłažliva staviacca da konkursaŭ papularnaj muzyki.

— Nie, nu što Vy! Jon vielmi rady, što vyjhraŭ. I całkam asensavana ciapier rychtujecca da finału konkursu ŭ Maskvie. Dziakuje ŭsim svaim prychilnikam i prosić kantaktavać ź im praz Facebook.

— U vas adno dzicia?

— Adzin syn — Saša. Ad pieršaj žonki ŭ mianie jašče dačka jość. Jana zaraz žyvie ŭ Viciebsku. Tamsama i maja mama žyvie.

— Babula ŭnuka tolki na fotazdymkach bačyła?

— Nie, jana pryjazdžaje da nas. I maja ciešča ź Minsku ŭ nas byvaje. Moj brat — maskoŭski žurnalist — taksama čaściakom haściuje. Tak što my nie zhubili suviazi z svajakami.

— Ci daŭno Saša piša pieśni?

— Z troch hadoŭ. Pamiataju — my jašče ŭ Minsku tady žyli — pajšli ź im adnojčy ŭ les prahulacca. Saša raptam zamier, pastajaŭ niekalki siekundaŭ i zaśpiavaŭ pieśniu ŭłasnaha sačynieńnia. Z taho času jon uvieś čas niešta napiavaje. Dva z pałovaj hady tamu jon vyjhraŭ u Narviehii konkurs junych talentaŭ Kjempesjansem z kampazicyjaj Foolin.

— A heta praŭda, što jon z hurtom A‑ha supracoŭničaŭ?

— Tak. U adzin z narviežskich miuzikłaŭ Mortena Chakieta — kiraŭnika hurta A‑ha — zaprasili ŭ jakaści supierzorki, a my z Sašam tam byli zadziejničanyja jak muzyki. Darečy, z hetym miuzikłam my abjeździli šmat krain, hastralavali ŭ Jeŭropie, Amierycy i navat u Kitai.

— Jakim Vy bačycie budučyniu svajho syna? Što paśla kansiervatoryi?

— Ja nie viedaju. Kožny małady čałaviek choča, kab jaho kachali. Pakul Boh da majho syna łaskavy, viadzie jaho i dapamahaje. A my hadavali Sašu tak, kaju jon jak maha bolej byŭ karysny ludziam. Voś u hetym ščaście, ja dumaju…

Viktoryja Papova, «Sovietskaja Biełoruśsija»

***

Škada tolki, što Biełaruś nie zmoža prahałasavać za Narviehiju ŭ paŭfinale. Naš pradstaŭnik - Piotr Jałfimaŭ - vystupić u pieršym paŭfinale (12 traŭnia), a Alaksandr Rybak budzie vystupać 14 traŭnia ŭ druhim paŭfinale. Ale budziem spadziavacca, što biełarus vyjdzie ŭ finał.