U Mahilovie supracoŭnikami ŭpraŭleńnia pa narkakantroli i supraćdziejańni handlu ludźmi UUS Mahiloŭskaha abłvykankama i Leninskaha RAUS spynieny kanał vyvazu za miežy krainy troch žycharak vobłaści z metaj zaniatkaŭ prastytucyjaj, paviedamlaje pres-słužba milicyi.
41-hadovy hramadzianin Kazachstana, znachodziačysia na terytoryi Rasii, vyšukvaŭ patencyjnych achviar u sacyjalnych sietkach. Śpisvajučy ź imi, abiacaŭ pryvabnyja ŭmovy dla prastytucyi: dobraŭparadkavanuju kvateru, kruhłasutačnuju achovu, poŭnuju biaśpieku i štomiesiačny zarobak u 3000 dalaraŭ ZŠA (50% ź ich - sutenior). Zrazumieła, hetyja ŭmovy dla «žryc kachańnia» i blizka nie adpaviadali realnaści.
Znajšoŭšy patencyjnych achviar, fihurant prybyŭ u Mahiloŭ, pra što zahadzia było viadoma apieratyŭnikam. Jany zatrymali mužčynu 21 listapada kala 11 hadzin na aŭtavakzale horada, pry pasadcy ŭ maršrutnuju taksoŭku. Jon płanavaŭ dastavić «žyvy tavar» da Minska, a zatym vylecieć u Maskvu (kvitki nabyŭ zahadzia).
