Fota Nadziei Bužan
Z 1 studzienia 2020 hoda hienieralnym sakratarom ADKB pryznačany dziaržsakratar Rady biaśpieki Biełarusi Stanisłaŭ Zaś. Pra heta žurnalistam abviaściŭ v.a. hienieralnaha sakratara arhanizacyi Valeryj Siemierykoŭ, piša RBK.
«Siońnia prezidenty i kiraŭniki dziaržaŭ pavinšavali Stanisłava Vasiljeviča Zasia, pradstaŭnika Respubliki Biełaruś, z pryznačeńniem na hetuju pasadu z 1 studzienia 2020 hoda», - skazaŭ Siemierykoŭ.
U listapadzie 2018 hoda ŭłady Armienii pryniali rašeńnie ab adklikanni svajho pradstaŭnika Juryja Chačaturava z pasady hienieralnaha sakratara ADKB u suviazi z pradjaŭlenym abvinavačvańniem ŭ źviaržeńni kanstytucyjnaha ładu. Paśla prychodu da ŭłady Nikoła Pašyniana ŭ Armienii pačali rasśledavańnie suprać byłoha kiraŭnictva krainy. U vinu im stavilisia padziei sakavika 2008 hoda, kali ŭ centry Jerevana pry sutyknieńniach pratestoŭcaŭ suprać złoŭžyvańniaŭ na prezidenckich vybarach ź siłavikami zahinuli dziesiać čałaviek.
