Pra heta siońnia zajaviŭ Alaksandr Łukašenka na sustrečy z prezidenta Tatarstana Rustamam Minichanavym, pieradaje BIEŁTA.
Rustam Minichanaŭ padziakavaŭ biełaruskamu boku za akazanuju haścinnaść. «Jedučy ŭ vašu cudoŭnuju krainu, kožny raz atrymlivajem masu emocyj», — zajaviŭ kiraŭnik Tatarstana.
Napiaredadni Rustam Minichanaŭ sustreŭsia z aktyvam tatarskaj abščyny ŭ Biełarusi i naviedaŭ Minskuju sabornuju miačeć. «Bolš za siem tysiač tataraŭ pražyvajuć tut. Jany raskazvali pra svajo žyćcio i vielmi zadavoleny dynamikaj raźvićcia krainy. U toj ža čas jany zachavali svaju samabytnaść», — zajaviŭ prezident Tatarstana.
«U nas musulmanaŭ nie kryŭdziać!» — padkreśliŭ Alaksandr Łukašenka.
«Naadvarot, šmat kamu treba pazajzdrościć takim umovam», — zaŭvažyŭ Rustam Minichanaŭ.
«Hetyja ludzi — zołata. Jany nikoli mianie nie padvodzili. Nikoli», — praciahnuŭ kiraŭnik biełaruskaj dziaržavy.
«I nie padviaduć», — zapeŭniŭ kiraŭnik Tatarstana.
