Hienasambleja AAN u sieradu, 18 śniežnia, pryniała rezalucyju pra abaronu pravoŭ čałavieka ŭ Krymie va ŭmovach rasijskaj akupacyi.
Rezalucyja atrymała 65 hałasoŭ «za» i 23 — «suprać».
Krainy, jakija hałasavali suprać rezalucyi: Biełaruś, Armienija, Burundzi, Kambodža, Kitaj, Kuba, KNDR, Erytreja, Hvinieja, Indyja, Iran, Kazachstan, Kyrhyzstan, Mjanma, Nikarahua, Filipiny, Rasija, Sierbija, Sudan, Siryja, Uhanda, Vieniesueła, Zimbabve.
U rezalucyi źmiaščajecca spasyłka na mižnarodna-pravavoje vyznačeńnie ahresii i pieraściaroha, što atrymańnie terytoryi abo inšaj pieravahi ŭ vyniku ahresii nie moža i nie budzie ličycca zakonnym.
Rezalucyja patrabuje ad Rasii spynić palityku źmieny demahrafičnaj situacyi ŭ Krymie šlacham pierasialeńnia tudy svajho nasielnictva i prymusovaha vysialeńnia.