8 studzienia ŭ milicyju źviarnułasia žycharka Čerasaŭ, paviedamlaje abłasnaja milicyja.
Žančyna raspaviała, što 50-hadovy muž niekalki dzion nie načavaŭ doma. Milicyja vyśvietliła, što apošni raz jaho bačyli ŭ haściach u adnaviaskoŭca-ramieśnika, jaki niadaŭna viarnuŭsia z Rasii.
U chacie i znajšli źnikłaha. Pryčym jaho trup znachodziŭsia ŭ kreśle za stałom, dzie niekalki dzion išło zastolle.
Jak vyśvietliła ekśpiertyza, u mužčyny była drapina na hałavie, ad jakoj jon i pamior. Uładalnik doma pryznaŭsia, što nanios jamu ŭdar palenam padčas svarki. Z-za apranutaha na hałavu kapiušona, viaskoviec nie adrazu źviarnuŭ uvahu na zdareńnie i praciahnuŭ pić.
Paźniej, jak pryznaŭsia mužčyna, u jaho byli padazreńni, što z hościem nie ŭsio ŭ paradku.
Zaviedziena kryminalnaja sprava.
