U Kamčackim krai raspačataja kryminalnaja sprava suprać žychara pasiołka Asora Karahinskaha rajona paśla taho, jak jon złamaŭ skivicu svajmu vaśmihadovamu synu, piša rbc.ru.
Incydent adbyŭsia ŭ kancy śniežnia. Chłopčyk pačaŭ spračacca z maci pierad tym, jak pajści ŭ škołu, baćka padniaŭ jaho i kinuŭ na padłohu. U dziciaci pajšła kroŭ, jamu dali bolesucišalny srodak i adpravili ŭ škołu.
Nastaŭniki ŭbačyli ślady pabojaŭ na tvary, školnik byŭ dastaŭleny ŭ chirurhičnaje adździaleńnie miascovaj balnicy, dzie ŭ jaho dyjahnastavali pierałom nižniaj skivicy sa zrušeńniem.
Baćka dziciaci raniej śćviardžaŭ, što toj «prosta ŭpaŭ». Pravierka vyśvietliła, što chłopčyka źbivajuć ŭžo nie pieršy raz. U dačynieńni da mužčyny zaviali spravu za nievykanańnie abaviazkaŭ pa vychavańni niepaŭnaletniaha.