Uładzimir Ramanaŭ.
Pra svoj udzieł u vybarach prezidenta Litvy zajaviŭ prezident inviestycyjnaj hrupy Ūkio bankas, miljanier Uładzimir Ramanaŭ. U čaćvier jon padaŭ dakumienty ŭ Hałoŭvybarkam Litvy.
U piatnicu HVK vyrašyć, ci zmoža U. Ramanaŭ pačać zbor podpisaŭ u svaju padtrymku na ŭdzieł vybarach 17 traŭnia.
Uładzimir Ramanaŭ — hramadzian Litvy, ale ŭ ankietnaj hrafie «miesca naradžeńnia» jon ukazaŭ rasijski horad Ćvier. Zhodna z Kanstytucyjaj, prezidentam Litoŭskaj Respubliki moža być hramadzianin Litvy pavodle naradžeńnia, jaki ciaham apošnich troch apošnich hod pražyvaŭ u Litvie.
Na dumku namieśnika staršyni HVK Paŭła Kujalisa, vyznačeńnie «hramadzianin Litvy pavodle pachodžańnia», što pramadzianstva Litvy pavinien mieć nie tolki pretendent na pasadu prezidenta, ale i jaho baćki.
Uładzimir Ramanaŭ kiruje futbolnym chołdynham, u jaki ŭvachodziać kłuby «Kaŭnas», MTZ‑RIPA i «Charts» (pratestancki kłub z Edynburha, u adroźnieńni ad katalickaha «Chibsa» z taho ž horada).
Pryjom zajavak kandydataŭ na ŭdzieł u vybarach skančajecca ŭ piatnicu, 13 sakavika.
Pra svoj udzieł u vybarach zajavili, razam z Ramanavym, 13 kandydataŭ,
u tym liku — jeŭrakamisar Dala Hrybaŭskajte, kandydat ad partyi «Paradak i spraviadlivaść» Valancinas Mazuronis, bryhadny hienierał u zapasie Česłavas Jazierskas, staršynia Siejma Arunas Valinskas, hanarovy staršynia sialan‑narodnikaŭ Kazimira Prunskienie, publicyst Vitaŭtas Kundrotas, drobny pradprymałnik Vidmantas Sadaŭskas, vydaviec Alhirdas Pilvialis, sacyjał‑demakrat Alhirdas Butkiavičus, namieśnik staršyni Partyi pracy Łareta Hraŭžynienie, sihnatar Zihmas Vajšviła, staršynia Vybarčaj akcyi palakaŭ Litvy Valdemar Tamašeŭski.
