Prakuratura Niderłandaŭ pradjaviła abvinavačvańni čatyrom fihurantam spravy ab katastrofie małajzijskaha Boeing rejsa MN17 na ŭschodzie Ukrainy i vyklikała ich dla śledčych dziejańniaŭ. Pra heta TASS zajaviła advakatka adnaho z abvinavačanych Alena Kućjina.
Kućjina dadała, što praca hrupy advakataŭ budzie ažyćciaŭlacca zhodna z usimi normami mižnarodnaha prava.
Adzin abo niekalki padazravanych pa spravie źbivańnia MN17 chočuć dałučycca da sudovaha pracesu i być pradstaŭlenymi ŭ sudzie niderłandskaj jurydyčnaj firmaj.
Sud nad padazravanymi ŭ źbivańni samalota «małajzijskich avijalinij» rejsa MH-17 raściahniecca na 25 tydniaŭ.
Spravu buduć razhladać troje sudździaŭ Akruhovaha suda Haahi. Pasiadžeńnie buduć tranślavać u žyvym efiry.
Raniej abjadnanaja śledčaja hrupa (JIT) nazvała imiony pieršych čatyroch padazravanych u datyčnaści da źbivańnia samalota. Heta Siarhiej Dubinski (pazyŭny «Chmurny»), Ihar Hirkin (pazyŭny «Strałok»), Aleh Pułataŭ (pazyŭny «Hiurza»), Leanid Charčanka (pazyŭny «Krot»). Im pradjaŭlenyja abvinavačvańni ŭ zabojstvie.