U RPC zachacieli adlustravać asablivuju rolu ruskaha naroda ŭ Kanstytucyi. Pra heta zajaviŭ kiraŭnik patryjaršaj kamisii pa spravach siamji protaijerej Dzimitryj Śmirnoŭ u efiry radyjostancyi «Komsomolskaja pravda», pieradaje lenta.ru.
Na dumku śviatara, u asnoŭnym zakonie krainy nieabchodna zhadać pra asablivuju rolu ruskaha naroda ŭ stanaŭleńni dziaržavy. «Treba napisać, što ruski narod źjaŭlajecca dziaržavaŭtvarajučym narodam. U našaj krainie šmat stahodździaŭ žyvuć roznyja narody. Ale ni adzin z hetych narodaŭ, choć i ŭdzielničaŭ u stvareńni, umacavańni našaj dziaržavy, usie narody słužyli samazabyŭna i hieraična, ale instynkt stvareńnia dziaržavy jość tolki ŭ ruskich», — patłumačyŭ svoj punkt hledžańnia Śmirnoŭ.
Kiraŭnik patryjaršaj kamisii pa spravach siamji zaklikaŭ narody Rasii nie kryŭdzicca na jaho zajavu, pakolki «heta praŭda». «Prosta našu impieryju, šostuju častku sušy ŭ pieryjad jaje roskvitu, stvaryli ruskija», — padkreśliŭ jon. Pry hetym, adkazvajučy na pytańnie pra adsutnaść zhadvańnia tytulnaj nacyi ŭ dziejnaj Kanstytucyi, Śmirnoŭ zajaviŭ, što ŭ 1993 hodzie «za śpinaj [aŭtaraŭ] stajali našy braty-amierykancy».
