kremlin.ru
Alaksandr Łukašenka raskazaŭ pra telefonnuju razmovu z Uładzimiram Pucinym. Pra heta jon zajaviŭ siońnia na sustrečy z hubiernataram Archanhielskaj vobłaści Iharam Arłovym, pieradaje BiełTA.
Kiraŭniki dziaržaŭ, u pryvatnaści, abmiarkoŭvali pastaŭki enierharesursaŭ — nafty.
«Prašu prabačeńnia za spaźnieńnie. Prezident Rasii patelefanavaŭ (vy viedajecie, što ŭ nas časam uźnikajuć sprečki pa asobnych pytańniach). Jon unios prapanovu, kab my nad joj padumali, u tym liku i pa pastaŭkach nafty ŭ Biełaruś. My, viadoma, ciapier (heta niečakanaja była prapanova) sprabujem abličyć jaje. Ale heta, napeŭna, nie maje značeńnia. Bo tavar rasijski. Rasija moža pradavać jaho pa spraviadlivych cenach, moža pradavać nie pa spraviadlivych. Bo manapalist. My ni ad kaho bolš naftu nie atrymlivali. Toje ž samaje i pa hazie», — skazaŭ Łukašenka ŭ pačatku sustrečy.
«Darečy, Uładzimir Pucin prapanavaŭ formułu paličyć, kolki my ad źmianšeńnia mytnaj pošliny ŭ 2020 hodzie stracim da ŭzroŭniu minułaha hoda», — raskazaŭ kiraŭnik dziaržavy.
«Kali my atrymlivali ŭ minułym hodzie ad pošliny $1 młrd, dapuścim, a ŭ hetym hodzie za košt źnižeńnia hetaj samaj pošliny (jana ž uvieś čas źnižajecca) atrymajem, dapuścim, $ 700 młn. Jon skazaŭ: my $ 300 młn kampiensujem. U tym liku za košt premij kampanijam», — zajaviŭ kiraŭnik Biełarusi.
«Takaja prapanova. Heta choć niejki šlach da raźviazańnia tych sprečak. Pa nafcie pytańnie staić tak, što Rasija hatova nam zachavać finansavy ŭzrovień pa nafcie minułaha hoda. Nu choć niejki ruch napierad. My zaraz paličym heta ŭsio. Ale košt hety praktyčna nie maje nijakaha značeńnia. Tamu što inšaha varyjantu pakul niama z boku Rasii. Prasili, kab my handlavali pa suśvietnaj canie naftu. Ale kampanii na heta nie zhadžalisia. Da suśvietnaj cany jany jašče prasili dadać $ 12 premii. Bo ŭ nas, jak bačycie, maržynalnyja rynki — Jeŭropy, Ukrainy, biełaruski rynak», — adznačyŭ Alaksandr Łukašenka.
